Thursday, February 17, 2005

Stairway To Heaven: Recap

Makikita nyo si Tristan na nasa bahay nung gabing yon, kasa-kasama ng kanyang mga painting.

Dumating din si Jodi sa bahay. Gusto niyang pumasok sa loob, pero ayaw siyang papasukin ni Tristan.

Sabi ni Jodi habang kinakatok nang malakas ang pinto, "Tristan, Tristan! Alam ko, nandiyan ka sa loob. Mag-usap tayo. Tristan!". Pero tumanggi si Tristan: "Umalis ka na!". Nag-insist si Jodi: "Tristan, harapin mo ako, mag-usap tayo!". Pero sagot ni Tristan, "Jodi, Jodi, ngayong alam mo na kung ano ang totoo, wala na tayong kailangang pag-usapan pa. Umalis ka na!". Mahahalata nyo sa mukha ni Tristan na gusto niya talagang makita't mayakap si Jodi, pero pilit niyang inilalayo si Jodi sa sarili niya, out of guilt. Umiiyak na siya in the process. Sumagot si Jodi, na ngayon ay sumisigaw na, "Bakit mo nagawa iyon?? Bakit? Bakit?!?!?!". Sagot ni Tristan, "Dahil mahal kita. Ginawa ko ang bagay na iyon dahil mahal kita! Para maging akin ka!". Then tinanong na ni Jodi kay Tristan kung ano ang mga nangyari sa kanya sa aksidente: "Tristan, alam mo na naaksidente ako. Sabihin mo kung ano ang mga nangyari sa akin pagkatapos kong maaksidente!" Ngunit nag-change topic lang si Tristan, "Patawarin mo ako." Sabi naman ni Jodi, "Anong patawarin mo ako???" Nagdahilan si Tristan, "Oo, masama akong tao. Wala akong karapatang humingi ng tawad. Umalis ka na!". Napaiyak na rito lalo si Jodi: "Paano ako makakaalis kung wala na akong pupuntahan!!!". Pero ayaw talagang papasukin ni Tristan si Jodi: "Umalis ka na! Umalis ka na!". Umiiyak na nang malakas si Tristan, halos nakasalampak na sa sahig. Nasasaktan din kasi si Tristan sa ginagawa niyang pagpapaalis. Iyak din nang iyak si Jodi sa labas ng pintuan, halos nakahiga na sa lupa...

Maya maya, umaandar ang kotse ni Eunice sa parking lot. Biglang humarang si Jodi sa daraanan ng kotse. Napapreno bigla ang kotse ni Eunice at bumusina nang bumusina, pero ayaw talagang tumabi ni Jodi. Kaya lumabas na si Eunice ng kotse at sumugod kay Jodi, "Tumabi ka nga!". Kinausap ni Jodi si Eunice tungkol sa kanyang pagka-aksidente, at nagtanong kung bakit ganun na lang ang pagkaalam ng lahat, na inakala nilang patay na siya. Umamin si Eunice at sinabing inilagay daw niya ang kanyang wallet (kasama ng mga ID's at iba pang identification cards ni Jodi) sa katabing bangkay. (Matatandaan niyo na pati kuwintas ni Jodi ay inilagay din ni Eunice sa katabing bangkay, pero hindi nakuha ni Eunice ang pinaka-heart shaped pendant nito.) Sabi ni Eunice na ayaw na niyang makita pa ang pagmumukha ni Jodi, at ginugulo lang daw ang buhay niya at ng kanyang pamilya, kaya umalis na raw siya.

Kinabukasan sa office, pinagkakaguluhan ng mga staff ang isang laptop. Naka-display kasi sa laptop na ito ang isang website na may pictures nina Jodi at Cholo, at may nakasulat din na tsismis na magiging "future wife" daw ni Cholo si Jenna. Pumasok si Eunice sa office at nakita ang issue na ito. Nagulat at nainis si Eunice. Maya maya, nag- away away na ang mga staff dahil pinagtatalunan nila kung totoo nga ba ang tsismis o hindi. Nandun din si Jodi sa office...

Maya maya, pumasok na rin si Cholo. Naabutan din niya ang mga staff na nag-aaway. Lumapit na sa kanila si Cholo at napansin din ang website. Nainis lalo dito si Eunice at nanlaki na naman ang mga mata. Then nagsalita si Cholo na wala raw silang relasyong dalawa nina Jenna (Jodi), at hindi raw totoo ang mga naririnig nila. Wala raw kinalaman dito si Jenna, sabi niya. "Di ba, Miss Eunice Han?"

Then kinausap ni Jodi si Eunice: "Miss Eunice Han, magtrabaho na tayo...". Sumagot si Eunice, "Bakit, wala ka bang ipapaliwanag sa akin?" Pero mataray na sumagot si Jodi, " Hindi ko na kailangang sabihin sa iyo kung ano ang nangyari sa amin, baka masaktan ka pa". Lalong nanggalaiti sa inis si Eunice. Then may kinausap si Eunice sa telepono...

Maya maya sa office, nag-uusap ang nanay ni Cholo na si Sol at ang alalay ni Cholo tungkol sa mga pekeng painting sa gallery. (Matatandaan nyo na ibinenta noon ng tatay ni Charlie (Tristan) ang lahat ng paintings niya, at eventually nai-display ito sa gallery sa Safe Mall office, pero kine-credit ang mga painting sa isang unknown artist, hindi kay Charlie.)

Dumating din si Jodi. Then tinawag siya ni Sol para lumapit. Pinakita ni Sol ang isang diyaryo na naglalaman ng isang tsismis tungkol kina Jodi at Cholo. Matatandaan nyo na " Jenna" pa rin ang pagkakakilala ni Sol kay Jodi. Kinausap ni Sol sina Jodi at Cholo.

Sol: Hindi ko hahayaang masira ang kompanya dahil sa kalokohan nyo. Isa sa inyo ang dapat umalis.

Jodi: Ako na lang ang aalis.

Inilatag na ni Sol sa mesa ang sobre ng termination pay ni Jodi.

Sol: Kung ganun, ayoko ko nang makita ang pagmumukha mo rito.

Cholo: Mommy??

Okay lang daw yun kay Jodi, basta huwag lang idamay ang kontrata ng kanyang kaibigan. Pumayag naman si Sol. Umalis na si Jodi.

Sinermonan naman ni Sol si Cholo. Hindi raw makapaniwala si Sol kung bakit daw nagawa yon ni Cholo, dahil ang pagkakaalam ni Sol ay nagpapanggap lang si Jenna bilang Jodi, ayon kay Maita. "Kung talagang matinong babae si Jenna ay hindi siya dapat ganyan. Isa pa, malapit na ang kasal nyo ni Eunice."

Paalis na si Jodi, pero nagpakita ng concern ang isang staff. Merong ibibigay na papel si Jodi kay Cholo.

Pumasok si Jodi sa office ni Cholo.

Nakaupo lang si Cholo sa office at nakaharap sa bintana, nakatalikod kay Jodi. Malungkot si Cholo.

Nagpaalam na si Jodi. "Sige Cholo, salamat sa lahat."

Sabi naman ni Cholo, "Jodi...Hindi mo na kailangang maging ikaw si Jodi, dahil minahal ko na kung sino ka, kahit maging si Jenna ka pa."

Lumuha si Jodi. Tumayo si Cholo. Pinahid niya ang luha ni Jodi. Nagtitigan silang dalawa. "Alam mo, kahit hindi ikaw si Jodi, espesyal ka pa rin. Hindi na magbabago yon."

Lumuha lalo si Jodi, as if hindi niya talaga tanggap na kinikilala siya ni Cholo bilang si Jenna, hindi bilang siya. Nagsalita uli si Cholo, "Hindi kita pababayaan".

Tumango si Jodi, then umiyak siya. Umupo na si Cholo. Then nag-bow na si Jodi at nagpaalam, "Aalis na ako".

Lumuha si Cholo.

0 Comments:

Post a Comment

<< Home